«Татыктуу жашоо» долбоору: үй-бүлөдөн башталган өзгөрүү

Кыргызстанда гендердик теңсиздик жана үй-бүлөлүк зомбулук көп учурда үй-бүлөнүн ичинде калып, көрүнбөгөн, бирок адамдардын жашоосуна чоң таасир тийгизген көйгөй бойдон калууда.

«ДИА» коомдук фонду International Alert уюму менен өнөктөштүктө жана Улуу Британиянын өкмөтүнүн колдоосу менен ишке ашырган «Татыктуу жашоо» долбоору дал ушул көйгөйлөрдү үй-бүлө деңгээлинен баштап чечүүгө багытталган.

Өзгөрүү үйдөн башталганда

Долбоорго Ош шаарындагы «Сулайман-Тоо» жана «Алымбек-Датка» МТУларынан 30 үй-бүлө катышкан.

Жалпысынан 106 адам — ар түрдүү муундагы өкүлдөр: ата-энелер, уулдар жана келиндер — катышты.

Бул ыкма үй-бүлөнү бирдиктүү система катары карап, мамилелерди комплекстүү өзгөртүүгө мүмкүнчүлүк берди. 

Мурда айтылбаган темалар

Катышуучулар бир нече ай ичинде тренингдерге катышып, төмөнкү темаларды талкуулашты:

— үй-бүлөдөгү мамилелер
— эмоциялар жана ден соолук
— зомбулук жана анын кесепеттери
— өз ара урматтоо жана баарлашуу

Жалпы 11 тренинг өткөрүлдү. 

Экономикалык мүмкүнчүлүктөр — туруктуулуктун негизи

Долбоор үй-бүлөлөрдүн экономикалык абалын жакшыртууга да көңүл бурду.

13 тренингдин алкагында катышуучулар:
— бюджет жүргүзүү
— киреше пландаштыруу
— ишкердиктин негиздери
— маркетингди үйрөнүштү 

Өз ишин баштоо

Долбоордун алкагында 22 бизнес-план иштелип чыгып, колдоого алынган.

Үй-бүлөлөр төмөнкү багыттарда иш башташты:
— тигүү
— кондитердик өндүрүш
— тоок багуу
— кызмат көрсөтүү

Жабдуулар менен камсыздоо жүргүзүлдү. 

Туруктуу колдоо

Аялдар үчүн өз ара жардам кассасы түзүлүп, 22 катышуучу кошулду.

Мындан тышкары:
— 124 бизнес консультация
— 728 социалдык консультация өткөрүлдү 

Кыйын учурларда жардам

— 262 адам юридикалык жардам алды
— 350 адам психологиялык колдоо алды 

Коом менен бирге өзгөрүү

«Гендердик зомбулукка каршы 16 күн» кампаниясынын алкагында иш-чаралар өткөрүлдү.

Ош шаарында өткөн жарманке 100дөн ашык адамды бириктирип, катышуучулар өз продукцияларын көрсөтүштү. 

Татыктуу жашоо — жалпы максат

Бул долбоор үй-бүлөдөгү урматтоо, теңчилик жана экономикалык мүмкүнчүлүктөр коомдук өзгөрүүлөрдүн негизи экенин көрсөттү.